Garaşýan ýok senden başga,
Sen bir maňa garaş, eje!
Barmaz öýtme diýip: «Daş-la»,
Sen bir maňa garaş, eje!

Güýzler ýaşym alyp barýar,
Gije düýşüm alyp galýar.
Düşmäm bolmaz uly dünýä,
Sen bir maňa garaş, eje!

Ýagyş myžžyk eder ýoly,
Gözümdäki ýaşlar ýaly.
Aýtjak ýogun özüň ýalyň,
Sen bir maňa garaş, eje!

Eger bolsa meňzeşim meň,
Giň jahanda meňzeşim sen,
Ýazyp ýüküm ýeňlesin, goý,
Sen bir maňa garaş, eje!

Ýeňjek bolup minut baryn,
Zol sözlerňi ýatlaýaryn,
Ha, Gün çyksyn, ýagsyn garam,
Garaşawer, garaş, eje!