2025-nji ýylyň 22-nji sentýabrynda Türkmenistanyň Döwlet energetika institutynda ýurdumyzyň Garaşsyzlygynyň 34 ýyllyk baýramyna bagyşlanyp “Garaşsyzlyk – ösüşleriň, özgerişleriň çeşmesidir” atly ylmy-amaly maslahat geçirildi. Bu çärä institutyň professor-mugallymlary, alymlar, aspirantlar we talyp ýaşlar gatnaşdy.

Maslahat umumy mejlis bilen başlanyp, soňra 5 bölümçede dowam etdirildi. Olaryň dowamynda 100-den gowrak ylmy çykyş diňlenildi.

Maslahatyň çäginde institutyň “Kuwwat” aýdym-saz toparynyň çeper höwesjeň talyp ýaşlarynyň ýerine ýetirmeklerinde Watanymyzy, türkmen halkynyň Milli Lideri Gahryman Arkadagymyzy, Arkadagly Gahryman Serdarymyzy wasp edýän birnäçe aýdymlara tomaşa edildi.

Maslahatyň ahyrynda oňa gatnaşyjylar döredilýän ähli mümkinçilikler üçin Türkmen halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem-de hoşallyk sözlerini aýtdylar.

Hekimberdi PYGYÝEW,

Türkmenistanyň Döwlet energetika institutynyň
mugallymy.