Ga­raş­syz­ly­k ýyl­la­ry için­de Türkmenistan sy­ýa­sat­da, ykdysadyýetde, bilimde, saglykda, me­de­ni-yn­san­per­wer ugur­lar­da tä­ze taryhyň sa­hy­pa­lary­na al­tyn harp­lar bi­len ýa­zyl­ýan aja­ýyp üs­tün­lik­le­re, be­lent sep­git­le­re, ýüz­ler­çe buý­san­dyry­jy wa­ka­la­ra, ro­waç­lyk­la­ra ýetdi. He­mi­şe­lik  Bi­ta­rap Türk­me­nis­tan özü­niň mu­kad­des Ga­raş­syz­ly­gy­nyň 30 ýyl­lyk şanly baýramyny agzybirlikde we giňden toýlady. Uludan tutylan toýuň da­ba­ra­sy­ her bi­ri­mi­zi buý­san­dyr­dy, sebäbi, Ga­raş­syz­lyk – ata-babalarymy­zyň asyr­lar bo­ýy eden ar­zuw­la­ry­nyň ha­syl bol­ma­gy­dyr. Garaşsyzlyk – akyldar şa­hy­ry­myz Mag­tym­gu­ly Py­ra­gy­nyň «Ber­ka­rar döw­let is­lä­rin» di­ýip ar­zuw eden setirleri Ga­raş­syz­lyk – gö­wün­le­ri­mi­ziň buýsan­jy, äh­li üs­tün­lik­le­ri­mi­ziň özenidir. 

  Eziz diýarymyzda ylym-bilim ulgamlaryny düýpli özgertmek üçin geljegi nazarlaýan uly başlangyçlary yzygiderli öňe sürýär.  Şeýle başlangyçlaryň ylym ulgamynyň binýadyny berkitmek, ýokary tehnologiýalara, düýpli nazary ylymlara esaslanýan sanly ykdysadyýeti döretmek boýunça toplumlaýyn işleri alyp barmak bilim ulgamynyň dünýä derejesine çykarylmagy ugrunda alnyp barylýan işler öz oňyn netijesini berýär.

Bilişimiz ýaly, 2021­-­2022-nji okuw ýy­ly­nyň il­kin­ji gü­ni paýtagtymyzyň Maslahat köşgünde Ýurt baştutany ta­lyp­lar we okuw­çy­lar bi­len du­şuş­dy we umu­my okuw sa­pa­gy­ny geçdi. Taryhyň sahypalaryna altyn harplar bilen ýazylan şol ajaýyp okuw sapak, ýaş nesiliň tejribeli kemala gelmeginde iňňän jogapkärli orun eýeleýär. Ata-babalarymyzyň «Çagany – ýaşdan, edebi – başdan», «Bal süýji, baldan-da bala» diýlen milli terbiýeçilik ýoluna eýerýän halkymyz terbiýe, ylym-bilim meselesinde has-da çuňlaşýar. Türkmen ýaşlarynyň ylymly-bilimli, giň dünýägaraýyşly, döwrüň ösen tehnologiýalaryndan baş çykarýan adamlar bolup ýetişmegi babatda ýurdumyzda uly işler alnyp barylýar. Ýurdumyzyň bilim ulgamynyň häzirki ösüş tapgyrynda öňde durýan bu möhüm wezipe dünýäniň öňdebaryjy gazananlarynyň esasynda milli sanly bilim ulgamynyň mundan beýläk hem ösdürilmegini, okatmagyň innowasion çemeleşmeleri bilen utgaşyklylykda maglumat-kommunikasiýa tehnologiýalarynyň bilimiň ähli basgançaklarynda giňden ornaşdyrylmagyny şertlendirýär.