Germaniýanyň Köln şäherinde her ýyl geçirilýän «Kölner Lichter» (Köln yşyklary) atly feýerwerk görkezilişi (sergisi) Ýewropada dowam edýän energiýa krizisi we ykdysady kynçylyklar sebäpli ýatyrylandygy habar berildi.

«Kölner Lichter» Guramaçylyk komiteti - 2023-nji ýylyň iýul aýynda geçirilmegi meýilleşdirilýän dünýä belli, aýdym-sazyň astyndaky feýerwerk görkezilişiniň çykdajylaryny dolandyrmagyň mümkin däldigi sebäpli ýatyrylandygyny habar berdi.

Ýüze çykan energiýa krizisi we ykdysady kynçylyklar sebäpli festiwalyň haçan geçiriljegi näbellidigi mälim edildi.

Adatça Reýn derýasynyň kenarynda, aýdym-sazyň astynda geçirilýän feýerwerk festiwalyny synlamaga Germaniýanyň dürli şäherlerinden we Ýewropa ýurtlaryndan takmynan, 800 müň adam gelýärdi.