Gökdere jülgesinde ýerleşýän “Bagtyýar nesiller” çagalar dynç alyş-sagaldyş merkezinde Ak bugdaý etrap häkimliginiň, Türkmenistanyň Demokratik partiýasynyň etrap komitetiniň, etrabyň beýleki jemgyýetçilik guramalarynyň hem-de medeniýet bölüminiň bilelikde guramagynda medeni, sport-sagaldyş çäresi geçirildi.

Merkezde, Ak bugdaý etrabynyň Gämi oba Medeniýet öýüniň “Gülle, ýaşlyk!” çagalar tans topary şowhunly çykyşlary bilen dynç alýan körpelere şatlyk paýladylar. Merkeziň çägindäki sport desgalarynda we meýdançalarynda, bäsleşikler we sport ýaryşlary geçirildi. Geçirilen ýaryşlarda tapawutlanan çagalara ýadygärlik sowgatlary gowşuryldy.