Ýakynda, Gökderedäki «Ýaşlyk» sagaldyş we dynç alyş merkezinde dynç alýan çagalaryň arasynda «Saglyk sportdan başlanýar» ady bilen sportuň dürli görnüşleri boýunça bäsleşik geçirildi.

Bäsleşik  Türkmenistanyň Içeri işler ministrliginiň kämillik ýaşyna ýetmedikleriň we ýaşlaryň arasyndaky hukuk bozulmalarynyň öňüni alyş bölüminiň, Bilim ministrliginiň, Magtymguly adyndaky Ýaşlar guramasynyň Berkararlyk etrap geňeşiniň, Berkararlyk etrap häkimliginiň bilelikde guramaklarynda geçirildi. Çagalar bäsleşikde estafeta ylgawy arkaly, ýüpden bökmek, şeýle hem tanap çekişmek boýunça bäsleşdiler.