Türkmen halkynyň onuň geljegi bolan ýaş nesillerimiziň watansöýüji, ruhubelent, ilhalar, ylymly-bilimli ýaşlar bolup ýetişmegi üçin döwrüň ösen tehnologiýalarynyň üsti bilen ylym-bilim ulgamynda täze ösüşlere, belent sepgitlere ýetilýär. Ine bu gün hem diýarymyzyň ähli künjeklerinde bolşy ýaly, ahal welaýatynyň Bäherden etrabynyň mekdeplerinde-de täze okuw ýylynyň başlanmagy, “Bilimler we talyp ýaşlarynyň güni” mynasybetli dabara giňden bellenilip geçildi. Ir säher bilen ak mekdebiň gujagyna dolan körpeleri bilim dünýäsine gadam basan ilkinji günlerinde döwlet ýolbaşçysynyň tagallasy bilen körpeleriň her birine berlen “notebook” sowgatlarynyň olary çäksiz begendirendigini görmek bolýar. Aýdym saza goşulyp çykýan şadyýan çagajyklaryň begençden doly sesi gülki sesleri asudalygyň we parahatçylygyň simwoly bolup asmana ýaň saldy.