14-nji aprelde Mary welaýatynyň merkezindäki Gurbanguly Hajy Baş metjidinde agzaçar sadakasy berildi. Bu sadaka Türkmenistanyň Mejlisiniň deputatlary, welaýat, şäher, etrap häkimlikleriniň, edara-kärhanalarynyň ýolbaşçylary, jemgyýetçilik guramalarynyň wekilleri, hormatly il ýaşululary, mähriban eneler gatnaşdylar.

Agzaçar sadakasynda oňa gatnaşyjylara tagam çekildi. Tagam iýlenden soň aýat-töwür okalyp, türkmen halkynyň Milli Lideri, Türkmenistanyň Halk Maslahatynyň başlygy Gurbanguly Berdimuhamedowyň mähriban käbesi, hormatly Prezidentimiz Arkadagly Serdarymyzyň enesi Ogulabat ejäniň jaýynyň jennetde, ruhunyň şat bolmagy Beýik Biribardan dileg edildi. Türkmenistan döwletini gülledip ösdürýän, halkyny eşretli durmuşda bolelin ýaşadýan Gahryman Arkadagymyzyň, Arkadagly Serdarymyzyň janlarynyň sag, ömürleriniň uzak, beýik başlanjgyçlarynyň hemişe rowaç bolmagy arzuw edildi.

Gurbanguly Hajy Baş metjidinde berlen agzaçar sadakasyndan soň metjitde tarawa namazy okaldy.