Теҗен этрабының Заман геңешлиниң чəгинде умумы тутян мейданы 2 гектара деӊ болан ерде «Мирас» хусусы карханасы тарапындан  кувватлыгы сагатда 10 тонна барабар Гуш иймини өндүрйəн хусусы кəрханасының ачылышы болды. Хусусы кəрхананың ёлбашчысы телекечи Мыратберди Хоммадовың айтмагына гөрә, әхли зерур энҗамлар ве дөвребап иннавацион техналогиялар билен үпҗүн эдилен гуш иймини өндүрйән кəрхана гурдык. Бу десга халкы тәзе иш ерлери билен үпҗүн эдер. Десганыӊ сагатда 10 тонна барабар болан Гуш иймини өндүрмәге мүмкинчилиги бар. Гелеҗекде дашары юртлара чыкармагы гөз өӊүне тутярыс. 

    Гечирилен чәрәниӊ довамында велаятыӊ ве Теҗен этрап медениет өйлериниӊ гурнамагында айдым-саз көпчүликлейин чәре гуралды. Дабара гатнашанлар медениет ишгәрлериниӊ адымчыларыныӊ, артистлериниӊ ве танс топраларыныӊ чыкышына томаша этдилер.

     Беллемели затларыӊ бири соӊкы вагтлар Ахал велаятыныӊ чәгинде бирнǝче саны гуш этини, товук юмуртгасыны ве гуш иймини өндүрйән дөвребап кəрханалар гурулып, уланылмага берилди. Гурулан  кәрханалар тарапындан өндүрилйән өнүмлер, сөвда улгамында эсасы орунларыӊ бирини эеләп, йылың ислендик вагтында юрдумызы гүнделик азык өнүмлери билен үпҗүн эдйәрлер. Шейле-де велаятыӊ хусусы телекечилери өз өнүмлерини дашары юрт базарларына чыкарып башладылар.