Ýakynda, Ak bugdaý etrabynyň Ýaşyldepe geňeşligindäki 14-nji orta mekdebiň mejlisler jaýynda “Gyz edebi — gyzyl gül” ady bilen wagyz-nesihat duşuşygy geçirildi. Duşuşyk etrabyň jemgyýetçilik guramalary tarapyndan ýörite meýilnama esasynda guraldy. Duşuşyga ýokary synp okuwçy gyzlaryň gatnaşdy.

Duşuşykda ýurdumyzda döwrebap bilim almaga, hünär öwrenmäge döredilen giň şertlerden netijeli peýdalanmak, milli däp-dessurlarymyza, urp-adatlarymyza sarpa goýmak dogrusynda gürrüň edildi. Şeýle duşuşyklar etrapdaky 10-njy, 11-nji çagalar baglarynda zähmet çekýän ýaş gelin-gyzlaryň arasynda hem geçirildi.