Geýip ýaşyl ketenisin,
Gaýşardypjyk petekesin,
Çaslandyryp çeşmäň sesin,
Halaýyk, ýaz ýetip geldi.

Oglan-gyzyň göwnün hoşlap, 
Gülleň ygşyldysyn buşlap,
Ynsan dünýäsine hoşbap,
Halaýyk, ýaz ýetip geldi.

Düzlere geýdirip elwan,
Ysyny kükedip selmäň,
Keşbini özgerdip herbap,
Halaýyk, ýaz ýetip geldi.

Günleriň göwheri bolup,
Paýhasyň jöwheri bolup,
Ajap bir sowsany bolup,
Halaýyk, ýaz ýetip geldi.

Älemgoşaryn güjeňläp,
Hikmeti özünde jemläp,
Günlere boýuny deňläp,
Halaýyk, ýaz ýetip geldi.

Arkadagly Serdarly il,
Ýagşylyga baglaýar bil,
Bolup gözellige kepil,
Halaýyk, ýaz ýetip geldi.