Änew şäherindäki medeniýet öýünde Ahal welaýat häkimliginiň we Ahal welaýat Medeniýet müdirliginiň gurnamagynda  “Halkyň Arkadagly zamanasy” ýylynda Halkara zenanlar güni mynasybetli “Bark urýar baharda gülleriň müşgi, bulardan zyýada gözeller  keşbi” atly aýdym sazly baýramçylyk dabara geçirildi. Ak bugdaý etrabyndaky “Türkmeniň ak öýi” binasynyň köpçülikleýin dabaralary geçirilýän sahnasynda zehinli  aýdymçylaryň ýerine ýetiren aýdym-sazlarda, milli öwüşginli tans we halk döredijilik çykyşlarynda eziz Diýarymyzyň, bagtyýarlyga beslenen döwrümiziň, hormatly Prezidentimiziň beýik tutumly işleriniň, ruhubelent halkymyzyň waspy buýsançly we joşgunly ýetirildi. Şeýle-de Gahryman Arkadagymyzyň tagallalary netijesinde gazanylýan üstünliklere, ýetilýän belent sepgitlere, Watanymyzyň sazlaşykly ösüşlerine bagyşlanan, sungat ussatlarynyň kalbyndan joşup çykan aýdym-sazlar dabara gatnaşyjylarda uly täsir galdyrdy. Türkmeniň aýdym-saz sungatynyň özboluşlylygyny görkezýän küştdepdiniň joşgunly ýerine ýetirilen çykyşy dabarany jemledi.