Awstraliýanyň Sidneý şäherindäki Taronga haýwanat bagyndan bir ene ýolbars we 5 sany çagasy gaçdy. Ýolbarslaryň gaçandygy baradaky habardan soň haýwanat bagy, ilata ýapyldy.

Haýwanat bagynyň müdiri ähli ýolbarslaryň birnäçe minudyň içinde ele salnandygyny mälim etdi. Ýolbarslaryň nädip gaçanlygy barada entek doly maglumat ýok. Emma Taronga haýwanat bagynyň müdiri ýolbarslaryň gaçmagynyň çynlakaý wakalara sebäp bolup biljekdigini aýdyp, bu barada derňewiň başladyljakdygyny mälim etdi.