Ýagşygeldi Kakaýew adyndaky Halkara nebit we gaz uniwersiteti himiýa boýunça Halkara internet olimpiadasyny geçirýär. Olimpiada gatnaşmaga ýurdumyzyň we daşary ýurtlaryň ýokary okuw mekdepleriniň talyplary çagyrylýar.

Olimpiada gatnaşmak üçin şu ýylyň 20-nji martyndan başlap, 20-nji apreline çenli isleg bildirýän talyplar hasaba alynmaly. Bu Halkara olimpiada uniwersitetiň bilim resmi portalynyň «moodle» meýdançasynda onlaýn görnüşde türkmen, rus we iňlis dillerinde özbaşdak hem-de toparlaýyn geçiriler. Olimpiada her ugur boýunça bäş talyp gatnaşdyrylýar.

Maý aýynyň 5-ine Halkara olimpiadanyň jemi jemlener. Ýeňijilere 20-nji maýda ýörite sowgatlar we diplomlar gowşurylar.