«Hünärim bar — hormatym bar» atly bäsleşigiň Bäherden etrap tapgyry etrapdaky 1-nji orta mekdepde geçirildi. Türkmenistanyň Kärdeşler arkalaşyklarynyň welaýat birleşmesi hem-de welaýat Baş bilim müdirligi tarapyndan bilelikde yglan edilen bäsleşige etrapdaky orta mekdeplerden 6-njy, 7-nji, 8-nji synp okuwçy gyzlar gatnaşdy.

Arkadag Serdarly bagtyýar ýaşlar ýylyna bagyşlanan bäsleşikde okuwçy gyzlar ene-mamalarymyzdan miras galan milli el işlerimizi goşgudyr çeper sözüň üsti bilen wasp etmekde, milli mirasymyz bilen bagly sowallara jogap bermekde ukyp-başarnygyny görkezdiler. Turuwbaşdan täsirlere beslenen bäsleşikde 1-nji orta mekdebiň okuwçysy Bahargül Öwezowa ýeňiji bolup, welaýat tapgyryna gatnaşmaga hukuk gazandy.