Ýurdumyz ýörite gaz geçiriji turbalar arkaly Hytaý Halk Respublikasyna tebigy gaz eksport etmekde öňdäki orunlary eýeleýär. Şu ýylyň ýanwar-fewral aýlarynda Hytaý 1,44 milliard dollar möçberinde türkmen tebigy gazyny import edip, 1,47 esse ösüş gazanyldy.

Hasabat döwründe Hytaý Halk Respublikasy - Russiýadan 526,9 million dollar, Mýanmadan 224,6 million dollar, Gazagystandan 105,1 million dollar we Özbegistandan 48,4 million dollar möçberinde tebigy gaz satyn aldy. Şeýle hem, Hytaýa suwuklandyrylan gazy eksport etmekde Awstraliýa birinji orny eýeledi. Degişli döwürde Hytaý Halk Respublikasy Awstraliýadan 3,57 milliard, Katardan 2,32 milliard, Malaýziýadan 1,87 milliard, Indoneziýadan 746 million, Russiýadan 503 million we ABŞ-dan 665 million dollar möçberinde suwuklandyrylan gaz satyn aldy.