Hytaýda öndürilen ilkinji ýerli «C919» ýolagçy uçarynyň, Milli raýat awiasiýa edarasyndan önümçilik ygtyýarnamasyny alandygy habar berildi. Hytaýyň raýat awiasiýasynyň administrasiýasy «C919» ýolagçy uçaryny köpçülikleýin öndürmek üçin «önümçilik ygtyýarnamasyny» berdi.

Döwlet eýeçiligindäki Hytaý täjirçilik uçar kompaniýasy tarapyndan işlenip düzülen dar göwrümli ýolagçy uçary ilkinji synag uçuşyny şu ýylyň 14-nji maýynda amala aşyrdy we uçuşa laýyklygy bilen 30-njy sentýabrda «uçuş ygtyýarnamasyny» aldy.

«Boeing 737» we «Airbus 320» ýaly ýolagçy uçarlaryna meňzeş «C919» ýolagçy uçarynyň ilkinji gowşurylyşy dekabr aýynda Hytaýyň Gündogar howa ýollaryna iberiler. Bu uçaryň hersiniň bahasy 99 million dollara deň bolar.