Seýitnazar Seýdi adyndaky Türkmen döwlet mugallymçylyk instituty Türkmenistanyň Bitaraplygynyň şanly 27 ýyllygy mynasybetli 2022-nji ýylyň  5-6-njy dekabry aralygynda talyplaryň II Açyk halkara fizika internet olimpiadasyny geçirýändigini habar berýär we talyplary bu olimpiada gatnaşmaga çagyrýar.

Olimpiada gatnaşmaga isleg bildirýän talyplar we jogapkär mugallymlar guramaçylyk topary tarapyndan bellige alyndylar. Şeýle-de bu bäsleşige ýurdumyzyň dürli künjeklerinden ýokary okuw mekdepleriniň talyplary gatnaşarlar.

Olimpiadanyň resmi dilleri – türkmen, rus, iňlis bolar.

Olimpiadanyň ýumuşlary we degişli bildirişler Seýitnazar Seýdi adyndaky Türkmen döwlet mugallymçylyk institutynyň resmi saýtynda www.tdmugi.edu.tm goýular. 

Kadyrmyrat ÖWEZGYLYJOW,

Türkmenistanyň Daşary Işler ministrliginiň
Halkara gatnaşyklary institutynyň talyby.