Şu ýylyň dekabrynda geçiriljek ilat ýazuwynda ulanmak üçin Türkmenistanyň Statistika baradaky döwlet komiteti Birleşen Milletler Guramasynyň  Ilat gaznasyndan 180 kompýuter, güýçli serwer we ýatda saklaýjy enjam satyn aldy.

Gelip gowşan kompýuterler we serwerler maglumatlary merkezi maglumatlar bazasyna geçirmekde ulanylar. Belläp geçsek, bu enjamlaryň ilkinji tapgyry bolup durýar. Geljekde ýurdumyz, raýatlaryň arasynda geçiriljek soragnamanyň çäginde ilat ýazuwynyň elektron görnüşlerini doldurmakda ulanyljak planşetleri alar.

Ilat ýazuwy 17- 27-nji dekabr aralygynda geçiriler.