«Iň eýjejik gyzjagaz — 2023» atly bäsleşigiň Kaka etrap tapgyryna mekdeplerden gelen enaýyja gyzjagazlaryň ýigrimä golaýy gatnaşdy. Türkmenistanyň Magtymguly adyndaky Ýaşlar guramasynyň etrap Geňeşi bilen etrap bilim bölüminiň bilelikde guramagynda geçen bu bäsleşikde okuwçy gyzjagazlar türkmeniň milli lybaslaryny şahyrana sözler bilen wasp etdiler, hormatly Prezidentimiziň döwletli tutumlary, Watanymyzyň ösüşlerini, bagtyýar çagalygy, dost-doganlygy wasp edýän aýdym-sazly çykyşy ýerine ýetirmekde öz ukypdyr başarnyklaryny görkezdiler.

Bäsleşik zehinli çagalary ýüze çykardy. Şeýlelikde «Iň eýjejik gyzjagaz — 2023» atly bäsleşigiň etrap tapgyrynda birinji orna 11-nji orta mekdebiň 3-nji synp okuwçysy Melek Nurmyradowa, ikinji orna 3-nji orta mekdebiň 3-nji synp okuwçysy Aýperi Meretdurdyýewa, üçünji orna 19-njy orta mekdebiň 4-nji synp okuwçysy Ogultäç Annaýarowa mynasyp boldy. Bäsleşigiň ýeňijilerine hormat hatlary hem-de ýadygärlik sowgatlary gowşuryldy.