Türkmenistanyň Bilim ministrligi, Senagatçylar we telekeçiler birleşmesi, şeýle hem Türkmenistanyň Magtymguly adyndaky Ýaşlar guramasy maglumat tehnologiýalary ulgamynda «Türkmenistan – mümkinçilikler ýurdy» atly startap bäsleşigini geçirýärler. Ol ýurduň hemişelik Bitaraplygynyň 30 ýyllygyna bagyşlanyp, zehinli ýaşlaryň arasynda innowasion pikirleri goldamaga we telekeçilik başlangyçlaryny ösdürmäge gönükdirilendir.

Bäsleşige mekdep we ýokary okuw mekdepleriniň okuwçylary, mugallymlar, telekeçiler, şeýle hem IT hünärmenleri we döredijilikli pikirleriň awtorlary gatnaşyp bilerler.

Gatnaşmak üçin:

Baýraklar ugrunda bäsleşmek üçin 22-nji oktýabra çenli öz iş taslamaňyzy Türkmenistanyň Senagatçylar we telekeçiler birleşiginiň Aşgabat şäher komitetine, Aşgabat şäheri, S. Türkmenbaşy şaýoly, 81, 3-nji gat salgysy boýunça tabşyrmaly. Her gatnaşyjydan diňe bir taslama kabul edilýär.

Taslamalary deslapky saýlanyp alnan awtorlar okuw “butkempyna” çagyrylar, ol ýerde olar startaplary dolandyrmak we maýa goýumlary çekmek boýunça öz endiklerini kämilleşdirip bilerler. Jemleýji tapgyrda gatnaşyjylar öz taslamalaryny eminler toparyna we hünärmenlere tanyşdyrarlar.

Giňişleýin maglumaty şu ýerden okap bilersiňiz.
 

Çeşme: Türkmenistan habarlar portaly