ABŞ-nyň Prezidenti Jozef Baýden Nowruz baýramyny belleýän halkalara gutlag hatyny ýollady, Bu barada, “Report” habarlar gullugy habar berýär.

Nowruz baýramy mynasybetli Waşington şäherinde onlaýn geçirilen çärä ABŞ-nyň Döwlet sekretary Entoni Blinken hem gatnaşdy. Blinken çärede Nowruz baýramyny belleýän halklary Josef Baýdeniň hem-de amerikan halkynyň adyndan gutlady.

Şeýle-de Blinken täze paslyň gelmegi bilen, dünýäniň uly we kiçi meseleleriň ählisinden üstün çykyljakdygyna umyt baglaýandygyny aýtdy.

Nowruz baýramy mynasybetli Waşington şäherinde geçirilen onlaýn çäre Türkmenistanyň, Azerbaýjanyň, Gazagystanyň, Gyrgyzystanyň, Özbegistanyň, Täjigistanyň we Türkiýäniň ilçihanalary tarapyndan bilelikde gurnaldy.