Kaka dokma toplumynyň mejlisler jaýynda geçirilen wagyz-nesihat duşuşygy Bütindünýä saglyk gününe bagyşlandy. Duşuşyk Kaka etrap häkimliginiň, Türkmenistanyň Kärdeşler arkalaşyklarynyň etrap birleşmesiniň hem-de Türkmenistanyň Magtymguly adyndaky Ýaşlar guramasynyň etrap Geňeşiniň bilelikde guramagynda boldy. Oňa dokma toplumynda zähmet çekýän ýaşlar gatnaşdy.

Wagyz-nesihat duşuşygynda jemgyýetçilik guramalarynyň wekilleri çykyş etdiler. Duşuşygyň barşynda milli ýol-ýörelgeler, maşgala mukadessligi, ýaşlaryň edep-terbiýesi, ahlak kadalary, sagdyn durmuş ýörelgeleri dogrusynda aýratyn durlup geçildi hem-de oňa gatnaşyjylara gymmatly öwüt-ündewler aýdyldy.