Kaka etrabynyň 19-njy orta mekdebinde «Bu bagtyýar diýarda-sarpalydyr zenanlar» ady bilen wagyz-nesihat duşuşygy geçirildi. TKA-nyň Kaka etrap birleşmesiniň guramagynda geçirilen duşuşyga guramalarynyň ýolbaşçylary, işjeň agzalary hem-de ýaş hünärmenleri gatnaşdy.
Duşuşykda çykyş edenler Berkarar döwletiň täze eýýamynyň Galkynyşy döwründe ata-babalarymyzdan, ene-mamalarymyzdan miras galan mukaddeslikleri gorap saklamak, nesilden-nesle geçirmek gelin-gyzlarymyzyň geýinýän milli egin-eşikleri, dakynýan şaý-sepleri, türkmen gözellerine mahsus bolan edep-ekramlylyk barada durup geçdiler. Häzirki döwürde türkmen zenanlaryna uly sylag-hormatyň goýulýandygy, olaryň ýaşaýyş-durmuş şertleriniň has-da ýokarlanmagynyň üpjün edilýändigi, önümçiligiň ähli pudaklarynda zähmet çekip, jemgyýetçilik işlerine işjeň gatnaşýandyklary, şol bir wagtda öý bikesi bolup, öý-hojalyk işlerini hem döwrebap alyp barýandyklary dogrusynda aýratyn bellenilip geçildi. 

Bahar ÄRNEPESOWA,

Türkmenistanyň Kärdeşler arkalaşyklarynyň 
Kaka etrap birleşmesiniň 
kätip-kompýuterçisi.