Kaka etrabyndaky 16-njy orta mekdepde wagyz-nesihat maslahaty geçirildi. Türkmenistanyň Milli Geňeşiniň, jemgyýetçilik wekilleriniň bilelikdäki mejlisinden gelip çykýan wezipeleri wagyz-nesihat etmek maksady bilen geçirilen maslahata ýokary synp mekdep okuwçylarydyr ýaş mugallymlar gatnaşdy.

Maslahatda Türkmenistanyň Milli Geňeşiniň, jemgyýetçilik wekilleriniň bilelikdäki mejlisinde Gahryman Arkadagymyzyň eden çuň manyly çykyşyna aýratyn üns çekildi.

— Türkmenistanyň Konstitusiýasyna üytgetmeleriň we goşmaçalaryň girizilmegi, şonuň bilen baglylykda, Türkmenistanyň Halk Maslahatynyň döredilmegi, onuň başlygy wezipesine Gahryman Arkadagymyzyň saýlanylmagy hem-de Gahryman Arkadagymyzyň Türkmen halkynyň Milli Lideri diýlip kanuny esasda ykrar edilmegi halkymyzda çäksiz buýsanjy döretdi. Döwletli maslahatyň üstünlikli geçmegi we onda möhüm çözgütleriň kabul edilmegi halkymyzyň jebisliginiň dabaralanmasyna öwrüldi — diýip, maslahatda çykyş edenler nygtadylar.

Maslahata gatnaşyjylar Milli Liderimize we hormatly Prezidentimize halkymyzyň abadançylygynyň, Watanymyzyň gülläp ösmeginiň hatyrasyna alyp barýan asylly işlerinde uly üstünlikleri arzuw etdiler.