Kaka etrabyndaky “Serdar” pamyk egriji fabriginde Bütindünýä welosiped güni mynasybetli duşuşyk geçirildi. Duşuşygy Türkmenistanyň Kärdeşler arkalaşyklarynyň etrap birleşmesiniň hem-de fabrigiň kärdeşler arkalaşygynyň ilikinji guramasy bilelikde gurnady.

Duşuşykda ýurdumyzda sport-sagaldyş hereketine, köpçülikleýin bedenterbiýä berilýän üns, sagdyn durmuş ýörelgeleriniň rowaçlanmagy ugrunda döredilýän şertler dogrusynda täsirli çykyşlar edildi. Duşuşygyň dowamynda sport bilen yzygiderli meşgullanmagyň saglyga oňyn täsirini ýetirýändigi hakda aýratyn durlup geçildi.