Kaka etrabynyň «Edermen pagtaçy» daýhan hojalygy pagta taýýarlamak babatdaky şertnamalaýyn borçnamasyny ilkinjileriň biri bolup, üstünlikli berjaý etdi. Şu ýyl daýhan hojalygy boýunça 65 gektar meýdanda gowaçanyň bereketli hasyly ýetişdirilip, pagta ýygymyna guramaçylykly girişildi.

«Edermen pagtaçy» daýhan hojalygy, Watan harmanyna 120 tonna «ak altyna» derek, pagtanyň 147 tonnadan gowragyny tabşyryp, bu babatdaky borçnamany 123,2 göterim ýerine ýetirmegi başardy. Häzirki wagtda daýhan hojalygynyň pagtaçylary «ak altynly» atyzlardaky galan hasyly hem soňky hanasyna çenli ýygnap almak boýunça tutanýerli işleýärler.