Golaýda, Kaka etrabynyň Medeniýet öýünde etrap häkimliginiň hem-de etrabyň jemgyýetçilik guramalarynyň bilelikde guramagynda Arkadag Serdarly bagtyýar ýaşlar ýylyna bagyşlanyp, wagyz-nesihat duşuşygy geçirildi. Oňa etrapdaky dürli edara-kärhanalaryň işgärleri gatnaşdy.

Duşuşykda çykyş edenler hormatly Prezidentimiziň Watanymyzyň asudalygyny we raýatlarymyzyň agzybirligini berkitmek ugrunda edýän aladalary, halkymyzyň arasynda kanunçylygyň berjaý edilmegi, ösüp barýan ýaş nesillerimiziň ýokary ahlak ruhunda terbiýelenmegi, ruhy we beden taýdan sagdyn bolmagy ugrunda edilýän tagallalar barada gürrüň berdiler.

Duşuşygyň ahyrynda oňa gatnaşanlar Berkarar döwletiň täze eýýamynyň Galkynyşy döwründe halkymyzy bagtly geljege alyp barýan Gahryman Arkadagymyzyň hem-de Arkadagly Serdarymyzyň ömürleriniň uzak, belent başlarynyň aman, tutumly işleriniň rowaçlyklara beslenmegini arzuw etdiler.