Ahal welaýatynyň Kaka etrabynyň  «Ýaşyl ýaýla» çagalar dynç alyş-sagaldyş merkezinde  «Biz – ruhubelent nesiller» ady bilen woleýbol  ýaryşy geçirildi. Bu ýaryşy Türkmenistanyň Magtymguly adyndaky Ýaşlar guramasynyň etrap Geňeşi bilen etrabyň bedenterbiýe we sport bölümi bilelikde gurady.

Ahal welaýatynyň Kaka etrabynyň  «Ýaşyl ýaýla» çagalar dynç alyş-sagaldyş merkezinde  «Biz – ruhubelent nesiller» ady bilen geçirilen woleýbol ýaryşyna toparlaryň birnäçesi gatnaşdy. Merkezde dynç alýan çagalardan düzülen toparlar öz aralarynda gyzykly duşuşyklar alyp bardylar. «Berkarar» we «Nesil» toparlarynyň özara duşuşygy ýaryşyň ykbalyny çözdi. Bu aýgytlaýjy duşuşyk «Berkarar» toparynyň üstünligi bilen tamamlandy. Ýeňiji bolan toparyň oýunçylaryna Türkmenistanyň Magtymguly adyndaky Ýaşlar guramasynyň etrap Geňeşiniň sowgatlary gowşuryldy.