Kaka etrabynyň ýüpekçileri “Halkyň Arkadagly zamanasy” ýylynda dokma senagatynda gymmatly çig mal bolan piläniň 40 tonnasyny taýýarlamagy maksat edinýär. Etrabyň ýüpekçileri häzirki günlerde yhlas bilen zähmet çekýärler. Olar pile öndürmek boýunça öňde duran borçnama abraý bilen hötde gelmek üçin ähli mümkinçiliklerden ýerlikli peýdalanýarlar.  

Etrabyň ýüpekçileri gündelik taýýarlanýan piläni kabul ediş kärhanasyna bökdençsiz tabşyrýarlar. Ol ýerde çig pile degişli talaplara laýyklykda kabul edilýär we guradylýar. Jemgyýetçilik guramalarynyň wekilleri bolup, häzirki jogapkärli möwsümde etrabymyzyň ýüpekçileriniň işe höwesini has-da ýokarlandyrmak we olary zähmet üstünligine ruhlandyrmak üçin höweslendiriş işlerini alyp barýarys. Bu bolsa, möwsümiň umumy depginine oňyn täsirini ýetirýär.