Golaýda, Kaka etrap awtoulag kärhanasynda wagyz-nesihat duşuşygy geçirildi. Etrap Polisiýa bölüminiň polisiýanyň ýol gözegçilik bölümçesi tarapyndan guralan duşuşyga awtoulag sürüjileri gatnaşdy.

Ýollarymyzda ýol-ulag hadysalarynyň bolmazlygyny we ulag serişdeleriniň hereketiniň sazlaşyklylygyny gazanmak maksady bilen geçirilen duşuşykda döwrebap ýollarda awtoulaglary saz dolandyrmak babatdaky gürrüňe aýratyn üns çekildi. Çykyş edenler ýurdumyzda döwrüň talaplaryna laýyk gelýän köpugurly ulag düzüminiň döredilýändigi, döwrebap ýollaryň gurulýandygy, öňden bar bolanlarynyň durkunyň düýpgöter täzelenýändigi barada aýdyp, şol ýollarda ulag serişdelerini saz dolandyrmagyň möhümdigini bellediler.

Täsirli geçen duşuşykda sürüjilere awtoulagy dolandyranlarynda degişli kadalary berk berjaý etmek, ulagy bellenilen tizlikde sürmek bilen bagly degerli maslahatlar berildi.