Ýakynda, Kaka etrap Medeniýet öýünde wagyz-nesihat duşuşygy geçirildi. Duşuşyk etrap häkimliginiň, etrabyň jemgyýetçilik guramalarynyň we hukuk goraýjy edaralarynyň bilelikde guramagynda geçirildi. Duşuşygyň esasy maksady, Gahryman Arkadagymyzyň ýaşlar bilen geçiren maslahatynyň taryhy ähmiýetini, ondan gelip çykýan wezipeleri wagyz etmek we çuň many-mazmuny bilen ýaşlara düşündirmek boldy.

Wagyz-nesihat duşuşygynyň dowamynda Berkarar döwletiň täze eýýamynyň Galkynyşy döwründe ýurdumyzda ýaş nesilleriň bilimli, ylymly, saýlan hünärine kämil adamlar bolup ýetişmekleri üçin bimöçber işleriň durmuşa geçirilýändigi, ylym-bilim ulgamyny dünýä derejesinde ösdürmek ugrundaky tagallalaryň bu babatda uly ähmiýete eýedigi dogrusynda gürrüň edildi.