Şu gün ir säher bilen ýurdumyzyň welaýatlarynda we Aşgabat şäherinde Bütindünýä welosiped güni mynasybetli köpçülikleýin welosipedli ýörişler geçirildi. Paýtagtymyzda geçirilen ýörişe Türkmenistanyň Prezidenti Serdar Berdimuhamedow gatnaşdy.  

Welosipedli ýöriş Aşgabat şäheriniň «Welosiped» binasynyň ýanyndan badalga alyp,  Çandybil we Bitarap Türkmenistan şaýollarynyň ugry bilen Ruhyýet köşgüniň deňindäki pellehana çenli dowam etdi. Tigirli ýörişiň başlanýan ýerinde medeniýet, sungat ussatlarynyň aýdym-sazly, sport görkezme çykyşlary ýerine ýetirildi.