Türkmenistanyň Daşary işler ministriniň orunbasary Mähri Bäşimowa BAE-niň Türkmenistandaky Adatdan daşary we doly ygtyýarly ilçisi Ahmed Al-Hai Hamad Khamis Al-Hameli bilen duşuşyk geçirdi. Duşuşykda şu ýylyň awgust aýynda Awazada geçiriljek BMG-niň Deňze çykalgasy bolmadyk ösüp barýan ýurtlar boýunça üçünji maslahaty (LLDC3) bilen baglanyşykly taýýarlyk çäreleri ara alnyp maslahatlaşyldy.

Türkmenistanyň Daşary işler ministrliginiň habaryna görä, duşuşykda Türkmenistan bilen BAE-niň arasynda hyzmatdaşlygyň möhüm ugurlary boýunça pikir alşyldy. Taraplar strategik hyzmatdaşlygy giňeltmek islegini tassykladylar.

Duşuşygyň dowamynda diplomatlar ikitaraplaýyn çäreleriň geçirilmegi bilen bagly meseleleri hem ara alyp maslahatlaşdylar hem-de ýurtlaryň halkara meýdançalaryndaky hyzmatdaşlygynyň ähmiýetini aýratyn bellediler.

Şahnoza ÇARYÝEWA,

Türkmenistanyň Daşary işler ministrliginiň
Halkara gatnaşyklary institutynyň talyby.