Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň hünärmenleri «Pähim-paýhas ummany Magtymguly Pyragy» şygary bilen geçýän 2024-nji ýylda Magtymguly Pyragynyň döwri, ömri we döredijilik ýoly barada täze taryhy maglumatlary gözlemek üçin Hindistanda gulluk iş saparynda bolarlar. «Türkmenistan: Altyn asyr» saýtynyň maglumatlaryna görä olaryň iş sapary 21-nji ýanwardan 10-njy fewral aralygynda bolar.

Bu iş saparda Institutyň bölüm müdiri Geldimyrat Muhammedow we ylmy işgär Annaoraz Nurmuhammedow ozal belli bolmadyk we ylmy gymmatlygy bolan çeşmeleri ýüze çykarmak, şeýle hem olaryň elektron we kiçi film nusgalaryny almak maksady bilen, ýurduň golýazmalaryny we kitap ýygyndylaryny öwrenmek üçin Hindistanda muzeý, kitap hem-de golýazma gorlaryny öwrenerler.

Munadan başga-da alymlar Nýu-Delidäki Hindistanyň Milli muzeýiniň, Rampurdaky Raza kitaphanasynyň, Bangiýa Sahitýa Parişat edebiýat jemgyýeti we Kalkuttadaky Aziýa jemgyýeti ýaly esasy medeniýet, ylym we taryh merkezlerinde agtaryş işlerini geçirerler.

Bu gulluk iş sapary türkmen halkynyň görnükli şahsyýetleri, taryhy we medeni mirasy barada golýazmalaryň nusgalaryny, gymmatly maglumatlaryň beýleki çeşmelerini gözlemek hem-de Türkmenistana getirmek boýunça türkmen alymlarynyň Hindistana dördünji ylmy wezipesi bolar. On ýyl mundan öň, ýurdumyzda Magtymguly Pyragynyň 290 ýyllyk ýubileýiniň bellenilýän günlerinde türkmen hünärmenleri tarapyndan gymmatly taryhy çeşmeleriň ýüze golaý nusgasy getirildi.

Aýsenem Serdarowa,
Türkmen oba hojalyk institutynynyň
1-nji ýyl talyby.