Golaýda, Bagyr medeniýet öýünde «Magtymguly, sözlär tili türkmeniň» atly aýdym-sazly dabara geçirildi. Aşgabat şäher Medeniýet müdirliginiň, Büzmeýin etrap medeniýet öýleriniň hem-de Merkezleşdirilen kitaphanalar ulgamynyň bilelikde guramagynda geçirilen, Magtymguly Pyragynyň döredijiligine bagyşlanan bu dabara ýurdumyzyň Arkadag Serdarly bagtyýar ýaşlar ýylyndaky beýik ösüşleriniň özboluşly beýany bolan joşgunly döredijilik çykyşlaryna hem baý boldy.

Dabaranyň dowamynda ýaýbaňlandyrylan Büzmeýin Medeniýet merkeziniň «Oguz kakuwlary» çeper höwesjeňleriniň deprekçiler toparynyň, 5-nji sungat mekdebiniň okuwçylarynyň, şeýle hem ussat bagşy-sazandalaryň aýdym-sazly çykyşlary oňa gatnaşyjylar tarapyndan uly ruhubelentlik hem-de dowamly el çarpyşmalar bilen garşylanyldy. Joşgunly ýaňlanan aýdymlarda belent sepgitleri nazarlap, bedew bady bilen öňe barýan eziz Watanymyzyň şöhratly ösüşleriniň, hormatly Prezidentimiziň, Milli Liderimiz Gahryman Arkadagymyzyň halkymyzyň asuda durmuşy, bagtyýar ýaşaýşy ugrunda durmuşa geçirýän beýik işleriniň, edýän taýsyz tagallalarynyň waspy belentden ýetirildi. Ussat şahyr, akyldar Magtymguly Pyragynyň ajaýyp şygyrlaryna döredilen aýdymlara uly orun berildi. Dabara gatnaşyjylaryň çykyşlarynda hormatly Prezidentimiz Arkadagly Serdarymyzyň, Gahryman Arkadagymyzyň adyna alkyş sözleri belentden ýaňlandy.