Berkarar döwletiň täze eýýamynyň Galkynyşy döwründe milli ykdysadyýetiň ähli ugurlarynyň ösdürilmegi bilen bir hatarda türkmen halkynyň medeniýeti, sungaty hem täzeçe öwüşginlere eýe bolýar. Ýurdumyzda geçirilýän dürli görnüşli medeni köpçülikleýin çäreler, döredijilik bäsleşikleri, Medeniýet hepdeligi, dostlukly döwletler bilen hyzmatdaşlykda guralýan Türkmenistanyň Medeniýet günleri, şeýle hem başga ýurtlaryň Watanymyzdaky Medeniýet günleri, halkara festiwallar, geçirilýän maslahatlar bu aýdylanlara aýdyň şaýatlyk edýär.   

Halkara hyzmatdaşlykda ýokary işjeňlik görkezýän eziz Diýarymyz türki dilli halklar, doganlyk döwletler bilen gatnaşyklaryň has-da berkemegi babatynda netijeli işleri durmuşa geçirýär. Bu ugurda Türkmenistan TÜRKSOÝ guramasynyň işjeň agzasy bolmak bilen medeni mirasymyzyň goralmagyna, türki dilli halklaryň özara dost-doganlyk gatnaşyklarynyň ilerlemegine aýratyn üns berýär. “Pähim-paýhas ummany Magtymguly Pyragy” ýylynyň 12-nji martynda Türkmen halkynyň Milli Lideri, Türkmenistanyň Halk Maslahatynyň Başlygy, Türki Döwletleriň Guramasynyň Aksakgallar geňeşiniň agzasy Gurbanguly Berdimuhamedowyň başlyklyk etmeginde Aşgabatda geçirilen Türki Döwletleriň Guramasynyň Aksakgallar geňeşiniň 15-nji mejlisi hem şeýle ähmiýetli çäreleriň nobatdaky beýany boldy. Bu geňeşiň türki halklary asyrlaryň dowamynda kemala gelen baý taryhy mirasymyzyň, däp-dessurlarymyzyň we ahlak sütünlerimiziň töwereginde jebisleşdirmäge ýardam edýändigini Gahryman Arkadagymyz öz çykyşynda belledi.

Güljemal MYRADOWA,
Türkmenistanyň Döwlet energetika
institutynyň talyby.