Moskwa şäherinde «Merkezi Aziýa – Russiýa» hyzmatdaşlyk formatynyň daşary işler ministrleriniň dokuzynjy duşuşygy geçirildi. Bu barada Türkmenistanyň Daşary işler ministrliginiň resmi sahypasy habar berdi.

Duşuşygyň gün tertibine laýyklykda, gatnaşyjylar 2025-nji ýylda geçirilen ikinji sammitde kabul edilen 2025–2027-nji ýyllar üçin bilelikdäki hereketleriň Meýilnamasynyň ýerine ýetirilişini seljerdiler.

Taraplar halkara gün tertibiniň möhüm meseleleri boýunça pikir alyşyp, aýratyn-da sebitleýin howpsuzlygy üpjün etmek we berkitmek ugurlarynda hyzmatdaşlygy ösdürmegiň mümkinçiliklerini ara alyp maslahatlaşdylar.

Mundan başga-da, diplomatlar ykdysadyýet, energetika we ekologiýa ýaly möhüm pudaklarda köptaraplaýyn hyzmatdaşlygy giňeltmegiň ýol-ugurlaryna aýratyn üns berdiler.

Duşuşyk, sebitleýin hyzmatdaşlygy çuňlaşdyrmak we ýurtlaryň arasynda özara düşünişmegi berkitmek babatda möhüm ädim hökmünde häsiýetlendirildi.