“Aşgabat 2025” halkara küşt ýaryşynda Türkmenistanyň, Özbegistanyň we Gazagystanyň ýaş küştçüleri alty tapgyrdan soň öňdeligi eýelediler. Bu barada Türkmenistanyň resmi metbugaty habar berdi.

Rapid we blis görnüşleri boýunça 11 ýurtdan 129 türgen (70 oglan, 59 gyz) gatnaşdy. Türkmenistanyň adyndan 81 türgen çykyş etdi.

Rapid görnüşindäki 6 tapgyrdan soň 8 ýaşly oglanlarda Çaryhekim Çaryýew (Türkmenistan) we Saýfudin Erkinboýew (Özbegistan), gyzlarda Zarina Larina (Özbegistan) öňdelik etdi.

10 ýaşly oglanlarda Maksat Öwlýäkulyýew (Türkmenistan) we Abdurahmon Rajabow (Özbegistan), gyzlardan Läle Wepaýewa (Türkmenistan) öňde bardy.

12 ýaşly oglanlarda Nurasyl Primbetow (Gazagystan) arassa ýeňiş gazandy, gyzlarda Dilber Hupbyýewa (Türkmenistan) öňdelik etdi.

Ýaryş 9 tapgyrda geçirilip, ýeňijiler soňky tapgyrlardan soň belli bolar. Ýaryş Türkmenistanyň Küşt federasiýasy we Sport baradaky döwlet komiteti tarapyndan guraldy.

Gülçemen Parahadowa,

Türkmenistanyň Daşary işler ministrliginiň
Halkara gatnaşyklary institutynyň talyby.