Ahal welaýaty
logo

Soňky täzelikler:
✦ Türkmen bedewiniň milli baýramy mynasybetli at çapyşygy geçirildi ✦ ✦ Zergärçilik däbiniň täze rowaçlyklary ✦ ✦ "Türkmennebit" we "PETRONAS" Nebitgaz pudagynda hyzmatdaşlygy pugtalandyrýar ✦ ✦ Samarkantda medeni çäreler geçirildi ✦ ✦ II Halkara matematika olimpiadasy üstünlikli tamamlandy ✦ ✦ Türkmen türgenlerimiziň nobatdaky üstünligi ✦ ✦ Kiberhowpsuzlyk - maglumat goraglylygyň binýady ✦ ✦ II Halkara matematika olimpiadasy dowam edýär ✦ ✦ ÝHHG-niň 50 ýyllygyna hem-de Halkara parahatçylyk we ynanyşmak ýyly mynasybetli forum ✦ ✦ Türkmenistan Kazanda geçiriljek “KazanForum” we “Halal Expo 2025”- e gatnaşar ✦
Baş sahypa / Medeniýet /Minskdäki türkmenler üçin ýörite sergi gurnaldy
  10.02.2023
907
Minskdäki türkmenler üçin ýörite sergi gurnaldy

Ýakynda, Minskde Türkmenistanyň Belarus Respublikasyndaky ilçihanasy türkmen-belarus diplomatik gatnaşyklarynyň ýola goýulmagynyň 30 ýyllygy mynasybetli dabaraly kabul edişlik gurady. Belarus Respublikasynyň daşary işler ministriniň orunbasary I.Nazaruk, Garaşsyz Döwletleriň Arkalaşygynyň Baş sekretary S.Lebedew, ýurduň Milli Ýygnagynyň deputatlary, ministrlikleriňdir pudaklaýyn edaralaryň, GDA-nyň Ýerine ýetiriji komitetiniň, Minskde akkreditirlenen daşary ýurtlaryň we halkara guramalaryň wekilhanalarynyň wekilleri, ýokary okuw mekdepleriniň ýolbaşçylary, ylym, medeniýet işgärleri, žurnalistler, şeýle-de bu ýurtda ýaşaýan türkmenler çäräniň hormatly myhmanlary boldular.

Dostlukly döwletiň daşary işler ministriniň orunbasary I.Nazaruk hem Türkmenistanyň Belarus Respublikasyndaky Adatdan daşary we Doly ygtyýarly ilçisi N.Şagulyýew ýygnananlaryň öňünde çykyş edip, geçen 30 ýylyň dowamynda ikitaraplaýyn gatnaşyklarda ýetilen sepgitlere gysgaça syn berdiler. Şunda bu şanly senäniň uzak möhletleýin hyzmatdaşlygyň täze tapgyryna badalga berýändigi aýratyn nygtaldy. Şeýle-de myhmanlara türkmen-belarus dialogynyň möhüm wakalaryndan söz açýan wideofilm görkezildi.

Bu ýerde guralan türkmen amaly-haşam önümleriniň we fotosuratlaryň sergisi hem täsirliligi bilen tapawutlandy. Hususan-da, türkmen el halylary, zergärçilik önümleri, milli lybaslardyr gündelik durmuşda ulanylýan esbaplar myhmanlarda uly gyzyklanma döretdi. 

 

Gurban BEGALYÝEW,

Türkmen döwlet binagärlik-gurluşyk 
institutynyň mugallymy.