Russiýa Federasiýasynyň Moskwa oblastynyň Krasnogorsk şäherindäki «Vegas City Hall» konsert zalynda türkmen estrada ýyldyzlarynyň konserti boldy. Konserte 1500-den gowrak adam gatnaşdy. Bu aýdym-saz söýüjiler üçin uly sowgat boldy.

Türkmenistanyň Russiýadaky ilçihanasynyň goldaw bermegi bilen geçirilen bu medeni çärä Russiýadaky türkmen raýatlary we talyplary gatnaşdy. Konsert ýatdan çykmajak pursatlary döretdi.

Konsertde rus diňleýjileriniň öňünde meşhur aýdymçy Azat Dönmezow, şeýle hem Türkmenistanyň Döwlet sirkiniň döredijilik toparynyň «Türkmen äheňleri» estrada-simfoniki orkestriniň ýokary derejeli sazandasy Serdar Haýdarow hem-de deprekçi Atajan Eýýubow dagylar çykyş etdiler.