Täze ýylyň barha golaýlamagy bilen Angliýanyň Liverpool şäherinde geçirilýän çärä gatnaşmak üçin müňlerçe adam köçelere çykdy.

Aýazbabanyň geýimini geçen iňlisler hezil edip, gowy ýatlamalary ýygnamak üçin Täze ýyl ylgawyna gatnaşdylar. Ylgawa birnäçe aýdym-saz toparlary hem gatnaşdy.

Ylgawyň esasy maksady «The Brain Charity» atly gurama kömek we serişde ýygnamak boldy. Ylgawa gatnaşanlara gurama tarapyndan Aýazbabanyň geýimi mugt berildi. Angliýanyň köçelerinde jemi 5 müňden gowrak Aýazbaba ylgap, olar haýyr-sahawat topladylar.

Belläp geçsek, Angliýada iň uly we iň uzyn Aýazbabalaryň Täze ýyl ylgawy 2005-nji ýylda bolup, ol Ginnesiň rekordlar kitabyna girizildi.