Gadymy döwürlerden bäri adamlar kosmosda Ýerden başga planetalarda ýaşaýşyň barlygy baradaky dürli garaýyşlar bilen ýaşap gelýärler. Bu mesele boýunça entek anyk bir zat tapylmasa-da, şu wagta çenli dünýäde başga planetalylar bilen baglanyşykly birnäçe wakalaryň bolandygy öňe sürülýär.

Amerikanyň Milli awiasiýa we kosmos dolandyryş guramasy «NASA» başga planetalylary gözlemek, tapmak, anyklamak üçin ýörite topar düzdi. Topar näbelli hereket edýän asman jisimlerini derňär.

Häzirki wagtda bu toparyň 16 sany agzasy bar. Topara agza adamlar edýän işlerini gizlin alyp bararlar. «NASA» bu taslama üçin 100 müň dollar töweregi maýa goýum goýdy.