Soňky ýyllarda elektrikli awtoulaglara bolan gyzyklanmanyň ep-esli artmagy bilen, köp markalar öz elektrikli awtoulaglaryny öndürmäge başladylar. Şeýle markalaryň biri 2014-nji ýylda esaslandyrylan ABŞ-nyň “Nikola” kompaniýasydyr. Döredileli bäri hiç hili awtoulag satmadyk kompaniýanyň bazar bahasy, 117 ýyllap “Ford” we “Fiat Chrysler”-den öňe geçip, 26 milliard dollara ýetdi.

Elektrikli awtoulag öndürijisi “Nikola” ýakynda ilkinji doly elektrikli awtoulag modeliniň önümçiligine başlandygyny habar berdi. “Nikola” şereketiniň beren beýanyna görä, “Tre BEV” atly elektrikli ýük awtoulag modeliniň önümçiligi başlandy. Bu ulaglar ikinji çärýekde müşderilere ýetiriler.

Bu bildirişden soň “Nikola” şereketiniň paýlary 4 göterim ýokarlandy. Esasan gysga ýollar üçin niýetlenen bu ulagyň geçip biljek aralygy 563 kilometre barabardyr. Batareýa kuwwaty 753 kWt bolan bu awtoulag 645 at güýjüne eýe bolar.

Ulag 240 kWt zarýad beriji enjam bilen 120 minutda 10 göterimden 80 göterime çenli zarýad alyp bilýär. “Nikola”-nyň ýylda 300 bilen 500 aralygyndaky önümçilik meýilnamasy 2023-nji ýyldan hasam artar.

Ýakup AKMÄMMEDOW,

Döwletmämmet Azady adyndaky
Türkmen milli dünýä dilleri
institutynyň talyby.