Täze 2022-2023-nji okuw ýylyndan başlap, ýurdumyzyň Ahal, Balkan, Daşoguz, Lebap we Mary welaýatlarynyň ýöriteleşdirilen mekdeplerinde italýan dili öwredilip başlanar. Mundan ozal, paýtagtymyzyň ýöriteleşdirilen 85-nji orta mekdebinde italýan dili aýry ders hökmünde girizilipdi.

Häzirki wagtda ýurdumyzyň welaýatlarynda we paýtagtymyzda hereket edýän ýöriteleşdirilen mekdeplerde okuwçylara rus, iňlis, ýapon, hytaý, koreý, nemes, fransuz, arap we pars dilleri öwredilýär. Belläp geçmeli zatlaryň biri italýan dili ýurdumyzyň mekdeplerinde öwrenilýän daşary ýurt dilleriniň onunjysydyr.