Täze 2023 — 2024-nji okuw ýylynda orta mekdepleriň XI — XII synplarynda hünär ugurly dersleriň 60 golaýy okadylar.

Täze, 2023 — 2024-nji okuw ýylynyň guwandyryjy wakalarynyň biri-de, orta mekdepleriň XI — XII synplarynda hünär ugurly dersleriň okadylyp başlanmagydyr.

Durmuşa geçirilmeli işleriň meýilnamasyna laýyklykda, ýerli häkimlikler bilen ylalaşyp, umumybilim edaralarynda XI — XII synplaryň okuwçylaryna öwrediljek hünärleriň sanawy taýýarlandy. Ol sanawyň 60-a golaý dürli hünärleri özünde jemleýändigini bellemek gerek. Olaryň ählisi-de ýurdumyzyň halk hojalygy, ýaşlaryň hünärleri ele almaklary, olaryň başarnyklaryny ösdürmek üçin zerur hünärlerdir.