«Türkmenaragatnaşyk» agentligi we «Türkmen Hemrasy» ÝGPJ (hemra aragatnaşygynyň milli operatory) resmi hemaýatkäri hökmünde 25-27-nji aprelde Daşkentde älem tehnologiýalarynyň halkara konferensiýasynyň geçirilmegini goldaýar.

Halkara konferensiýasyna 250 hünärmeniň gatnaşmagyna we 12-den gowrak ýurtdan älem agentlikleriniň ýolbaşçylarynyň saparyna garaşylýar. Älem tehnologiýalary konferensiýasy, milli we sebit älem agentliklerini, şeýle hem Merkezi Ýewraziýanyň dürli künjeklerinden işewür wekilleri birleşdirmäge gönükdirilen çäredir.

Älem tehnologiýalarynyň halkara konferensiýasynyň geçirilmeginiň maksatnamasy halkara hyzmatdaşlygyna we maýa goýumlaryna, täze hemra tehnologiýalaryny ara alyp maslahatlaşmaga, howpsuzlyk, maliýe we pudakdaky kadalaşdyryşa bagyşlanýar. Bu konferensiýany Özbegistan ikinji gezek geçirer.

25-27-nji aprel aralygynda geçiriljek älem tehnologiýalarynyň halkara konferensiýasyna Turksat (Türkiýe), ESRI (ABŞ), MonocoSat / SSI Monoko (Monako Patyşalygy), Contec (Günorta Koreýa), Eutelsat (Fransiýa), IAI (Ysraýyl), Synspective (Singapur), Intersputnik (Russiýa), SES (Şweýsariýa), Airbus (ABŞ), Thales (Fransiýa), Woyager (ABŞ) we ş.m. hemaýatkärlik etdiler. 

Hakberdi JUMAMYRADOW,

Türkmen döwlet binagärlik-gurluşyk
institutynyň talyby.