2022-nji ýylyň 11-nji noýabrynda Özbegistan Respublikasynyň Samarkant şäherinde Türki Döwletleriň Guramasynyň birinji sammiti geçiriler. Forumda ykdysady, ulag we söwda meseleleriniň ara alnyp maslahatlaşylmagyna garaşylýar. sammitde guramanyň geljek 5 ýyl üçin strategik hereket meýilnamasynyň kabul edilmegine garaşylýar.

Sammitiň çäklerinde Türkiýäniň Prezidenti Rejep Taýyp Ärdogan «Türki dünýäsiniň iň ýokary medaly» we Özbegistanyň milli medaly bilen sylaglanar.

Samarkantda sammitden öň — 9-njy noýabrda Türki Döwletleriň Guramasyna agza ýurtlaryň ykdysadyýet ministrleriniň duşuşygy, şeýle hem 10-njy noýabrda Gurama agza ýurtlaryň daşary işler ministrleriniň Geňeşiniň mejlisi geçiriler. Foruma gurama agza ýurtlar bolan Azerbaýjanyň, Türkiýäniň, Özbegistanyň, Gazagystanyň we Gyrgyzystanyň, şeýle hem synçy agzalar hökmünde Türkmenistanyň hem-de Wengriýanyň wekiliýetleriniň hem gatnaşmagyna garaşylýar.