2025-nji ýylyň 24-nji oktýabrynda, Türkmenistanyň Prezidentiniň Italiýa Respublikasyna resmi saparynyň çäklerinde Rim şäherinde türkmen-italýan işewürlik forumy hem-de Italiýanyň tehnologiýalary bilen Türkmenistanda öndürilen önümleri görkezýän göçme sergi geçirildi. Bu barada Türkmenistanyň Söwda-senagat edarasy habar berýär.

Bu çäräni Türkmenistanyň Söwda-senagat edarasy hem-de Senagatçylar we telekeçiler birleşmesi gurnady. Forumyň hem-de serginiň esasy maksady iki ýurduň arasyndaky söwda-ykdysady gatnaşyklaryň ösdürilmegine we giňeldilmegine gönükdirildi. Forumyň dowamynda taraplaryň arasynda duşuşyklar gurnaldy, birnäçe resminamalara gol çekildi we bilelikdäki taslamalary durmuşa geçirmek mümkinçilikleri ara alnyp maslahatlaşyldy.

Şeýle-de, Türkmenistanyň Söwda-senagat edarasy bilen Italiýanyň Söwda agentliginiň wekilleri duşuşyp, söwda gatnaşyklarynyň barha ösýändigi hem-de italiýan kompaniýalarynyň türkmen bazaryna gyzyklanmasynyň artýandygy bellenildi.Bu çäreler hyzmatdaşlygyň geljekde ösdüriljek ugurlaryny we anyk maksatlaryny kesgitlemäge mümkinçilik berdi.

Merjen ALMEDOWA,

Seýitnazar Seýdi adyndaky
Türkmen döwlet mugallymçylyk
institutynyň 2-nji ýyl talyby.