15-nji martda Türkmenistanyň Prezidenti Gurbanguly Berdimuhamedow Ministrler Kabinetiniň we Döwlet Howpsuzlyk geňeşiniň giňişleýin mejlisini geçirdi.

Mejlisiň barşynda, Türkmenistanyň Prezidenti Gurbanguly Berdimuhamedow Türkmenistanyň täze saýlanan Prezidentiniň wezipesine girişmek dabarasyny ýokary guramaçylyk ýagdaýda geçirmek baradaky möhüm resminama gol çekdi. Resminama laýyklykda, şu ýylyň 19-njy martynda Türkmenistanyň täze saýlanan Prezidentiniň wezipesine girişmek dabarasy geçiriler. Bu dabaranyň paýtagtymyzdaky “Ruhyýet” köşgünde geçirilmegi göz öňünde tutulýar.

Dabarany ýokary derejede we guramaçylykly geçirmek üçin döwlet topary döredildi.